واشنگٹن(این این آئی)امریکی صدر ڈونلڈ ٹرمپ حکومت نے کہا ہے کہ امریکا، عالمی ادارہ صحت کی قیادت میں کورونا کی ویکسین تیار کرنے کی کوششوں کا حصہ نہیں بنے گا۔امریکی اخبار کے مطابق ایک بیان میں وائٹ ہائوس کے ترجمان نے کہا کہ امریکا کسی ایسی تنظیم سے تعاون نہیں کرے گا
جو بدعنوان عالمی ادارہ صحت اور چین کے زیر اثر ہوں۔ دنیا کے ڈیڑھ سو سے زائد ممالک کورونا کے عالمی چیلنج سے نمٹنے کے لیے ایک پلیٹ فارم پر جمع ہو رہے ہیں جسے کوویکس کا نام دیا گیا ہے۔ امریکی حکومت کا کہنا تھا کہ کورونا کے توڑ کے لیے وہ اپنی الگ کوششیں جاری رکھے گی۔
