اسلام آباد(نیوزڈیسک)ایف بی آر نے چھ نوٹیفکیشن جاری کئے ہیں ۔ نوٹیفکیشن نمبر 1408کے تحت ایبٹ آباد مین آفس کے ریونیو آفیسر حبیب عباسی کو ترقی دے کر اسسٹنٹ کمشنر ان لینڈ ریونیو بنا دیا گیا ہے۔ نوٹیفکیشن نمبر 1399کے مطابق مسزنرجس شاہین آئی آر ایس ,اسسٹنٹ کمشنر آئی آرملتان کی معطلی کے احکامات واپس لے لئے گئے ہیں۔ نوٹیفکیشن نمبر 1401سی II ، 2015کے ذریعے محمود علی خان کسٹمز ایکس کیڈر بنیادی سکیل نمبر 18نے ڈپٹی کیمیکل ایگزامینر فیصل آباد کا چارج چھوڑ کر کراچی ویسٹ آپریزمنٹ ماڈل کسٹمز کلکٹریٹ ڈپٹی کیمیکل ایگزامینر کا چارج لے لیا ہے۔ نوٹیفکیشن 1407کے تحت حسن عباس رضوی ان لینڈ ریونیو آفیسر ڈائریکٹر آف انٹرنل آڈٹ کراچی کو ترقی دے کر اسسٹنٹ کمشنر ان لینڈ ریونیو مقرر کر دیا گیا ہے۔