کوئٹہ(این این آئی)کوئٹہ سمیت بلوچستان کے سرکاری ہسپتالوںمیں کورونا وائرس کی وجہ سے بند او پی ڈیز کو کھول دیا گیا۔ ترجمان محکمہ صحت کے مطابق ہفتہ کو سیکرٹری صحت بلوچستان دوستین خان جمالدینی کی ہدایت پر سول ہسپتال کوئٹہ سمیت صوبے کے تمام سرکاری ہسپتالوں میں کورونا وائرس کی احتیا طی تدابیر اختیار کرتے ہوے او پی ڈیز کھول دی گئیںاو پی ڈیز کو کورونا وائرس کے پھیلائو کے پیش نظر بند کیا گیا تھا جبکہ صوبے میں کورونا وائرس
کی صورتحال میں بہتر ی آنے کے بعد اور مریضوں کی مشکلات کو مدنظر رکھتے ہوئے او پی ڈیز دوبارہ کھولی گئی ہیں ۔ اس حوالے سے ہفتہ کو ایم ایس سول ہسپتال کوئٹہ ڈاکٹر جاوید اختر نے ڈاکٹر اقبال کاسی کے ہمراہ او پی ڈی کے مختلف شعبوں کا دورہ کیا جہاں انہوں نے ڈاکٹروںاور دیگر عملے کو کورونا وائرس کی احتیاطی تدابیر پر سختی عمل درآمد کرنے کی ہدایت کی مریضوں سے اپیل کی کہ وہ کورونا وائرس کی احتیاطی تدابیر اختیار کریں۔
