لاہور(نیوزڈیسک)ہاکی کے کھلاڑی یورپ میں رل گئے،پی ایچ ایف عہدیداروں کی رنگ رلیاں،فنڈز نہ ہونے کا رونا رونے والی پاکستان ہاکی فیڈریشن کے عہدیدار دورہ یورپ میں سیر و تفریح میں مصروف ہیں، کھلاڑیوں کے لیے یومیہ الاﺅنس 20ڈالر جبکہ فیڈریشن کے عہدیدار 250امریکی ڈالر یومیہ الاﺅنس لے کر بیلجیئم، ہالینڈ اور فرانس میں مزے لوٹنے میں مصروف ہیں ۔ایک نجی ٹی وی کی رپورٹ کے مطابق قومی ہاکی ٹیم کے کھلاڑیوں کے لیے تو میچ فیس 150ڈالر جبکہ یومیہ الاﺅنس 20ڈالر ہے لیکن فیڈریشن کے عہدیدار250 ڈالر یومیہ الاﺅنس لے کے یورپ گھوم پھر رہے ہیں۔پاکستان ہاکی فیڈریشن کے سابق سیکرٹری آصف باجوہ بھی ابھی تک مزے لوٹنے میں مصروف ہیں وہ بھی اختر رسول اور رانا مجاہد کے ہمراہ دورہ یورپ پر موجود ہیں۔ سابق ہاکی اولمپیئنز کا کہنا ہے کہ پی ایچ ایف کے پیٹرن انچیف وزیر اعظم میاں نواز شریف کو اس ساری صورتحال کا نوٹس لینا چاہیے