کراچی (این این آئی)وزیراعلی سندھ سید مراد علی شاہ نے کورونا وائرس کی صورتحال بیان کرتے ہوئے کہا ہے کہ گزشتہ 24 گھنٹوں میں  8288  نمونوں کی جانچ کی گئی جس سے کورونا وائرس  کے مزید 303 نئے  کیسز سامنے آئے  اور  10  مزید مریض اس وبا سے انتقال کرگئے۔وزیراعلی سندھ نے کہا کہ کورونا وائرس  سے انتقال کرنے والوں کی  مجموعی تعداد 2272 ہوچکی ہے

اوراب تک صوبے بھر میں  826258 نمونوں کی جانچ کی جا چکی ہے جس کے نتیجے میں  123849 کیسز رپورٹ ہوئے  ہیں۔انہوں نے کہا کہ گزشتہ 24 گھنٹوں میں  مزید 326 مریض صحت یاب ہوچکے ہیں  اور معمول کی زندگی  گزار رہے ہیں ۔ اب تک صحت یاب مریضوں کی تعداد  115741  ہوچکی ہے ۔ انہوں نے کہا کہ اس وقت 5836  مریض زیر علاج ہیں جن میں  سے 5460 گھروں میں ، 6 آئسولیشن سینٹرز میں  اور 370 مختلف اسپتالوں میں ہیں۔انہوں نے کہا کہ206  مریضوں کی حالت تشویشناک بتائی گئی ہے جن میں سے 45 مریض وینٹی لیٹرز پر ہیں۔انہوں نے کہا کہ 303 نئے کیسز میں سے 103 کا تعلق کراچی سے  ہے ۔ضلع شرقی 32، کورنگی 23، ضلع جنوبی 19،ضلع وسطی 12، ،ملیر 9، ضلع غربی سے  8 نئے کیسز رپورٹ ہوئے  ہیں، اسی طرح حیدرآباد 23، خیرپور 22، سکھر 17،دادو 14، عمر کوٹ 14بدین 13، جامشورو12، سانگھڑ12، شکارپور 11، ٹنڈو محمد خان9،  گھوٹکی 8، نوشہروفیروز 8، لاڑکانہ 6، شہید بے نظیر آباد6،میرپورخاص 4، ٹنڈوالہ یار 3،ٹھٹھہ سے  2 نئے کیسز سامنے آئیہیں۔