لاہور( این این آئی)محکمہ داخلہ نے قربانی کی کھالیں جمع کرنے کیلئے ممنوعہ قرار دی گئی 82کالعدم ،ذیلی اداروں اور زیر نگرانی تنظیموں کی فہرست جاری کرتے ہوئے عوام کو متنبہ کرتے ہوئے واضح کیا ہے کہقربانی کی کھالیں عطیہ کرتے وقت احتیاط کریں، انسداد دہشتگردی ایکٹ 1997کے تحت کالعدم تنظیموں کو کسی بھی قسم کی معاونت فراہم کرنا جرم ہے،ڈپٹی کمشنرز سے غیر منظور شدہ تنظیموں
یا دھونس اور دھمکی کے ذریعے کھالیں اکٹھی کرین والے افراد کے خلاف بھی سخت کارروائی عمل میں لانے کی تنبیہ کی گئی ہے۔ محکمہ داخلہ کی جانب سے جاری کردہ فہرست کے مطابق جن کالعدم تنظیموں، ذیلی اداروں اور زیر نگرانی تنظیموں پر کھالیں جمع کرنے پر پابندی ہے ان میںلشکر جھنگوی، سپاہ محمد پاکستان،جیش محمدذیلی تنظیمیں (الرحمت ٹرسٹ بہاولپور،الفرقان ٹرسٹ کراچی)،لشکر طیبہ ،سپاہ صحابہ پاکستان ، تحریک جعفریہ پاکستان ،تحریک نفاذ شریعت محمد ، تحریک اسلامی ، القاعدہ ، ملت اسلامیہ پاکستان (سابقہ سپاہ صحابہ پاکستان) ، خدا الاسلام(سابقہ جیش محمد)، اسلامی تحریک پاکستان (سابقہ تحریک جعفریہ پاکستان )،جمعیت الانصار،جماعت الفرقان ، حزب التحریر، خیر الناس انٹرنیشنل ٹرسٹ(سپلنٹر گروپ آف جماعت الدعوۃ)، بلوچستان لبرشن آرمی، اسلامک سٹوڈنٹس موومنٹ آف پاکستان ،لشکر اسلامی ، انصار الاسلام ، حاجی نامدار گروپ ، تحریک طالبان پاکستان ، بلوچستان ریپبلکن آرمی ، بلوچستان لبرشن فرنٹ ، لشکر بلوچستان ، بلوچستان لبرشن یونائٹیڈ فرنٹ ، بلوچستان مسلح دفاع تنظیم، شیعہ طلبہ ایکشن کمیٹی گلگت ، مرکز سبیل آرگنائزیشن گلگت ، تنظیم نوجوانان اہل سنت گلگت ، داعش(آئی ایس آئی ایل ، آئی ایس ، آئی ایس آئی )، جئے سندھ متحدہ محاذ ، یونائیٹڈبلوچ آرمی ، بلوچ سٹوڈنٹ آرگنائزیشن آزاد، امرباالمعروف ونہی عن المنکر( حاجی نامدار گروپ )، تحریک طالبان باجوڑ ، 313بریگیڈ ، اسلامک جہاد یونین ،اسلام موومنٹ آف از بکستان موومنٹ ، ایسٹ ترکمانستان اسلامک موومنٹ، عبداللہ اعظم بریگیڈ، تحریک طالبان مہمند ، تحریک طالبان سوات ،
خانہ حکمت گلگت بلتستان ، گلگت ، بلوچستان نیشنل لبریشن آرمی ، جیش محمد ، اسلام مجاہدین ، بلوچستان یونائیٹڈ آرمی ، بلوچ ریبپلکن پارٹی آزاد، بلوچستان وجہ لبریشن آرمی ، تحفظ حدود اللہ ، تحریک نفاذ امن ، بلوچستان بنیاد پرست آرمی ، تنظیم اہل سنت والجماعت گلگت ، مسلم سٹوڈنٹس آرگنائزیشن گلگت ،ا نجم ن امامیہ گلگت بلتستان ، رابطہ ٹرسٹ ، الحرمین فائونڈیشن ، پیپلزامن کمیٹی لیاری ،
اہل سنت والجماعت (سابقہ سپاہ صحابہ پاکستان)، جماعت الاحرار ، لشکر جھنگوی العالمی ، انصار الحسین ، تھریک آزادی جموں و کشمیر ، جنداللہ ، الرحماء ویلفیئرٹرسٹ آرگنائزیشن ، بلاور ستان نیشنل فرنٹ ( عبدالحمید خان گروپ )، جماعت الدعو ۃ ذیلی تنظیمیں (الانفال ٹرسٹ لاہور، ادارہ خدمت خلق لاہور ، الدعو ۃ الارشاد پاکستان لاہور، الحمد ٹرسٹ لاہور/فیصل آباد،موسکس اینڈ ویلفیئر ٹرسٹ لاہور،
المدینہ فائونڈیشن لاہور،معاذ بن جبل ایجوکیشنل ٹرسٹ لاہور)، فلاح انسانیت فائونڈیشن ذیلی تنظیمیں (الفضل فائونڈیشن /ٹرسٹ لاہور،الایثار فائونڈیشن لاہور،پاک ترک انٹرنیشنل (سی اے جی ایجوکیشن فائونڈیشن )، حزب الاحرار ، بلوچستان راجی آجوئی آر سانگر، جئے سندھ قومی محاذ اریسر گروپ ، سندھو دیش ریوولیشنری آرمی ، سندھو دیش لبریشن آرمی ، غلامان صحابہ م، معمار ٹرسٹ ،
سچل سرمست ویلفیئر ٹرسٹ کراچی ، الجزا پیشنٹ ویلفیئر سوسائٹی کراچی ، الاختر ٹرسٹ اورا لرشید ٹرسٹ شامل ہیں۔وزارت داخلہ کی جانب سے کہا گیا ہے کہ اقوام متحدہ کی سکیورٹی کونسل ایکٹ 1948اور انسداد دہشتگردی ایکٹ 1997ء کے تحت قرار دی گئی کالعدم یا زیر نگرانی تنظیموں کو کسی بھی قسم کی معاونت ، مالی امداد یا سہولت فراہم کرنا قانوناً جرم ہے جس کی سزا قید یا جرمانہ ہو سکتی ہے ۔
علاوہ ازیں وزارت داخلہ پنجاب کی جانب سے کہا گیا ہے کہ عوام قربانی کی کھالیں صرف متعلقہ ڈپٹی کمشنرز سے منظور شدہ اداروں اور تنظیموں کو دیں ۔ مزید کہا گیا ہے کہ ڈپٹی کمشنر سے نوٹیفائیڈ کاروباری حضرات اور خیراتی ادارے این او سی کے بغیر اور غیر رجسٹرڈ افراد یا اداروں سے ہرگز کھالیں نہ خریدیں ،کھالوں کی ادائیگی صرف بذریعہ بینک کی جائے اورکھالوں کی خرید و فروخت کا مکمل ریکارڈ اپنے محفوظ رکھیں جسے کسی وقت بھی چیک کیا جا سکتا ہے۔ محکمہ داخلہ نے متنبہ کیا ہے کہ دھونس،
دھمکی یا دبائو کے ذریعے کھالیں اکٹھی کرنے والے افراد ، غیر منظور شدہ اداروں اور کالعدم تنظیموں کے خلاف انسداد دہشتگردی ایکٹ 1997،مجموعہ ضابطہ فوجداری1898،مجموعہ تعزیرات پاکستان 1860اور الیکٹرانک جرائم روک تھام ایکٹ 2016کے تحت فوری کاروائی عمل میں لائی جائے گی ۔ کھالیں اکٹھی کرنے کیلئے لائوڈ سپیکر کے ستعمال اور وال چاکنگ بھی ممنوعہ قرار دی گئی ہے ۔
محکمہ داخلہ کی جانب سے عوام سے اپیل کی گئی ہے کہ اس معاملے میں کسی بھی طرح کی خلاف ورزی سامنے آنے پر فوری طور پر 15پر کال کر کے اطلاع دی جائے ۔ ذرائع کے مطابق ضلعی انتظامیہ کی طرف سے اس حوالے سے جاری کئے گئے نکات پر عملدرآمد کا جائزہ لینے کیلئے افسران کی سربراہی میں ٹیمیں مختلف مقامات پر اچانک دوریں کریں گی اور خلاف ورزی کی صورت میں فوری کارروائی عمل میں لائی جائے گی۔
