اسلام آباد (آن لائن ) اپوزیشن لابی میں حزب اختلاف کی جماعتوں کا غیررسمی اجلاس ہوا جس میں بلاول بھٹو زرداری،شاہد خاقان عباسی،خواجہ آصف اور مولانا اسد محمود سمیت دیگر اراکین موجود تھے ۔ ذرائع کے مطابق پارلیمانی قانون سازی پر جے یو آئی ف کی ناراضگی کے بعدمسلم لیگ نون اور پیپلز پارٹی نے مولانا اسد محمود
کے تحفظات دور کرنے کی کوشش کی ہے ۔بلاول بھٹو زرداری مولانا اسد محمود کو منا نے کی کوشش کررہے ہیں ۔ ذرائع کا کہناہے کہ قومی اسمبلی اجلاس کے فوری بعد مولانا اسد محمود نے اپوزیشن جماعتوں سے شکوہ کیا۔ایوان میں موجود بلاول بھٹو زرداری مولانا اسد محمود کو اپنے ساتھ اپوزیشن لابی میں لے گئے۔
