کوئٹہ( این این آئی)بلوچستان میں کورونا وائرس میں مبتلا افراد کی تعداد میں نمایاں کمی کا سلسلہ جاری ،صوبے میں چوبیس گھنٹوں کے دوران کورونا کے صرف 28مریض سامنے آئے جبکہ کورونا میں مبتلا11578مریضوں میں سے9901صحت مند ہوگئے ،اب صوبے میں کورونا میں مبتلا صرف پندرہ سو مریض گھروں میں آئسولیٹ ہیں۔محکمہ صحت بلوچستان کے جاری رپورٹ کے مطابق ہفتہ کو494 افراد کے کورونا ٹیسٹ کئے گئے تاہم صوبے کے7اضلاع سے28 افراد میں کورونا کی تشخیص

ہونے کے بعد صوبے میں وائرس سے متاثرہ مریضوں کی مصدقہ تعداد11578ہوگئی،محکمہ صحت کی رپورٹ کے مطابق چوبیس گھنٹوں کے دوران بلوچستان میں وائرس سے متاثرہ دومریضوں کے مکمل صحت یاب ہونے کے بعد اب تک کورونا سے صحت یاب ہونے والے فراد کی مجموعی تعداد9901ہوگئی ہے جبکہ 1541 مریض زیر علاج ہیں اور439 کئے گئے کورونا ٹیسٹ کی لیبارٹری رپورٹ آنا باقی ہے۔جبکہ صوبے میں کورونا انتقال کرنے والے افراد کی تعداد 136 ہے۔