اسلام آباد ( آن لائن)وزیر اعظم کے معاون خصوصی عثمان ڈار نے نارروال سپورٹس کمپلیکس میں ٹائیگر فورس کنونشن میں شرکت کیلئے مسلم لیگ (ن) کے رکن قومی اسمبلی احسن اقبال کو خصوصی دعوت نامہ بھجوا دیا ہے۔
ذرائع کے مطابق مطابق نارروال سپورٹس جمنیزیم میں تقریب کی تیاریاں مکمل کرلی گئیں ہیں ،وزیراعظم کے معاون خصوصی عثمان ڈار ٹائیگر فورس کنونشن میں شرکت کریں گے،ڈپٹی کمشنر نارووال نے بطور رکن قومی اسمبلی احسن اقبال کو کنونشن میں شرکت کیلئے خصوصی دعوت نامہ بھجوا دیا ہے،ذرائع نے بتایا کہ عوامی نمائنددں کو ٹائیگر فورس کے پروگرامز میں شرکت کی دعوت وزیراعظم کی ہدایت پر دی جا رہی ہے،وزیراعظم آفس نے ضلعی انتظامیہ کو متعلقہ عوامی نمائندوں سے رابطے کی ہدایت کی تھی،کنونشن میں نارروال میں ٹائیگر فورس ایپلیکیشن اور گرین فورس کا اجراء کیا جائیگا ۔وزیر اعظم کے معاون خصوصی نے اپنے ایک بیان میں کہا ہے کہ احسن اقبال سے درخواست ہے کہ نوجوانوں کی حوصلہ افزائی کیلئے تشریف لائیں،احسن اقبال کافی دنوں سے پوچھ رہے تھے ٹائیگر فورس کہاں ہے؟ ٹائیگر فورس آپ کے ہوم گراونڈ پر پہنچ چکی ہے،احسن اقبال آئیں اور اور نوجوانوں کا جوش و جذبہ اپنی آنکھوں سے دیکھ لیں۔
