پشاور ( آن لائن) عیدالاضحیٰ کے موقع پر قربانی کے لیے استعمال ہونے والے اوزاروں کی قیمتیں آسمان پر پہنچ گئیں، چھری، چاقو، کلہاڑی اور دیگر سامان کی قیمتوں میں دگنا اضافہ ہو گیا، سنت ابراہیمی ادا کرنے والے شہری پریشان ہو گئے۔عید الاضحیٰ کے لیے مختلف اقسام کی چھریاں تیز کرنے،

اوزاروں کی تیاری اور مرمت کرنے والوں کے کام میں تیزی آگئی تاہم قیمتیں زیادہ ہونے سے سنت ابراہیمی ادا کرنے والے بھی پریشان ہوگئے۔مارکیٹ میں مختلف اقسام کی چھریوں اور چاقو کے اسٹال لگے ہیں، مقامی ایک چھری کی قیمت 100 روپے سے لیکر 400 روپے تک پہنچ چکی ہے، چائنہ کی ایک چھری 800 سے ایک ہزار جبکہ مقامی تیار کردہ ٹوکہ ڈھائی سو سے چار سو روپے میں فروخت کیا جارہا ہے، مقامی کلہاڑی 4 سے پانچ سو روپے میں فروخت کی جارہی ہے۔دکانداروں کا کہنا ہے کہ کورونا وائرس کے باعث کارخانے بند ہیں، لوہے کی قیمتیوں میں اضافے سمیت پنجاب سے مال کم ٓنے اور کاریگروں کی مزدوری میں اضافے سے قیمتیں بڑھی ہیں۔تکہ کیلئیسیخیں 180روپے فی درجن میں فروخت ہورہی ہیں جبکہ دھار لگانے کے بھی 50 سے100 روپے تک وصول کیے جارہے ہیں۔