کراچی(این این آئی)کراچی کے علاقے کورنگی میں 10 لاکھ روپے کی ڈکیتی، پولیس کے پہنچنے پر 25 لاکھ میں تبدیل ہوگئی۔کراچی کے علاقے کورنگی انڈسٹریل ایریا میں سگریٹ کمپنی کی سپلائی وین سے درجن سے زائد مسلح ملزمان نے لاکھوں روپے لوٹ لیے، پولیس نے مشکوک معاملے کی چھان بین شروع کر دی ہے۔ایس ایس پی کورنگی فیصل عبداللہ چاچڑ کے مطابق پیر کی دوپہر کورنگی انڈسٹریل ایریا سے

مارون سگریٹ کمپنی کی ڈسٹری بیوشن وین کے عملے نے مددگار 15 پولیس کو اطلاع دی کہ درجن سے زائد مسلح ملزمان انہیں یرغمال بنا کر 10 لاکھ روپے کیش لوٹ کر فرار ہوگئے۔ایس ایس پی کے مطابق مددگار15 پولیس کا عملہ اور کورنگی انڈسٹریل ایریا تھانے کی پولیس موبائل فوری طور پر موقع پر پہنچی تو وین کے عملے نے 25 لاکھ روپے لوٹے جانے کا دعوی کردیا۔پولیس کے مطابق وین کے عملے کا کام مختلف علاقوں میں اپنی فرنچائز پر سپلائی کرکے ملنے والا کیش اپنے دفتر لے جانا ہوتا ہے مگر لٹنے والوں کا دعوی ہے کہ وہ یہ رقم بینک میں جمع کرانے کے لیے جا رہے تھے۔ایس ایس پی فیصل عبداللہ کے مطابق واردات کے وقت وین کے ساتھ مسلح سیکورٹی گارڈ موجود تھا مگر حیرت انگیز طور پر سیکورٹی گارڈ نے مزاحمت نہیں کی۔سیکورٹی گارڈ فائرنگ نہ کردے، اس خدشے کے پیش نظر ڈاکو عام طور پر ایسی وارداتوں میں اسلحہ بھی لوٹ کر لے جاتے ہیں مگر اس واردات میں ایسا نہیں ہوا۔پولیس کے مطابق واردات کے بعد فرار ہونے والے ملزمان پر وین کے سیکورٹی گارڈ نے فائرنگ نہیں کی، کورنگی انڈسٹریل ایریا پولیس نے معاملے کی چھان بین شروع کر دی ہے۔ کراچی کے علاقے کورنگی میں 10 لاکھ روپے کی ڈکیتی، پولیس کے پہنچنے پر 25 لاکھ میں تبدیل ہوگئی۔کراچی کے علاقے کورنگی انڈسٹریل ایریا میں سگریٹ کمپنی کی سپلائی وین سے درجن سے زائد مسلح ملزمان نے لاکھوں روپے لوٹ لیے