لاہور (آن لائن) پنجاب حکومت نے صوبے بھر کے تعلیمی ادارے 15 ستمبر کو کھولنے کے حوالے سے ایک سمری وزیراعلیٰ پنجاب سردار عثمان بزدار کو ارسال کردی ہے۔ بتایا گیا ہے کہ سمری میں 15 ستمبر کو صوبے بھر کی سرکاری اور نجی یونیورسٹیاں اور کالجز مرحلہ وار کھولنے کی اجازت طلب کی گئی ہے۔

پہلے مرحلے میں ایم فل اور پی ایچ ڈی کے فائنل ایئر کی کلاسز شروع کی جائیں گی جبکہ دوسرے مرحلے میں باقی کلاسوں کے طلبا اور طالبات کو بلایا جائے گا۔ یہ بھی بتایا گیا ہے کہ ان یونیورسٹیوں اور کالجوں کو محکمہ صحت پنجاب کے ایس او پیز کے مطابق انتظامات کی شکل میں کھولنے کی اجازت دی جائے گی۔