لاہور( این این آئی)پاکستان مسلم لیگ (ن) نے پی ٹی وی کی فیس میں 65روپے روپے اضافے کو مسترد کرنے کی قرارداد پنجاب اسمبلی سیکرٹریٹ میں جمع کر ادی ۔ حنا پرویز بٹ کی جانب سے جمع کرائی گئی قرارداد کے متن میں کہا گیا ہے کہ پی ٹی وی کی فیس 35روپے سے 100روپے تک بڑھانا قابل مذمت ہے ،
ماضی میں عمران خان پی ٹی وی کی 35روپے فیس پر تنقید کرتے رہے ہیں اوراس مد میں سالانہ 10ارب اکٹھے ہونے کو عوام کی جیب پر ڈاکہ قراردیا ۔آج عمران خان 100روپے فیس کرکے عوام کی جیب پر30ارب کا ڈاکہ ڈالنے لگے ہیں۔ اعلیٰ عدلیہ سے مطالبہ ہے کہ اس کا نوٹس لیا جائے اور اضافے کو کالعدم قراردیا جائے۔
