کراچی(این این آئی)انسداد دہشتگردی عدالت سانحہ بلدیہ کیس میں پراسیکیوشن نے بلدیہ فیکٹری آتشزدگی کے معاملے پر ملزمان کے خلاف اہم ثبوت اور شواہد بھی جمع کرادیئے،عدالت نے کیس میں ملزمان اور سرکاری وکلا کے دلائل مکمل ہونے پر
آئندہ سماعت ملزمان اور سرکاری وکلا سے جوابی دلائل طلب کرلیے۔انسداددہشت گردی عدالت میں سانحہ بلدیہ فیکٹری کیس کی سماعت ہوئی،ایم کیو ایم سابق سیکٹر ملزم انچارج رحمان بھولا، زبیرچریا اور دیگر ملزمان بھی پیش ہوئے، پراسیکیوشن نے بلدیہ فیکٹری آتشزدگی کے معاملے پر ملزمان کے خلاف اہم ثبوت اور شواہد بھی جمع کرادیئے۔کیس میں ملزمان اور سرکاری وکلا کے دلائل مکمل کرلیے۔عدالت نے ریمارکس دیئے کہ اگر کوئی فریق جوابی دلائل دینا چاہتا ہے تو آئندہ سماعت پر تیاری کر کے پیش ہوں ۔عدالت نے آئندہ سماعت ملزمان اور سرکاری وکلا سے جوابی دلائل طلب کرتے ہوئے سماعت 28 جولائی تک ملتوی کردی
