اسلام آباد (این این آئی)وفاقی دارلحکومت اسلام آباد میں کورونا کیسوں میں نمایاں کمی دیکھی گئی ۔ڈسٹرکٹ ہیلتھ آفیسر ڈاکٹر زعیم ضیاء نے تفصیلات جاری کردیںجس کے مطابق گزشتہ 24 گھنٹوں میں دو ماہ بعد نمایاں کمی ، صرف 52 کیس رپورٹ ہوئے ۔ڈی ایچ او  کے مطابق اسلام آباد میں ابتک 11 ہزار 599مریض

صحتیاب ہو چکے  ہیں ،گزشتہ 24 گھنٹوں میں 2816 ٹیسٹ کیے ۔ڈی ایچ او کے مطابق ٹیسٹوں کے حساب سے مثبت کیسوں کا تناسب 1.8فیصد بنتا ہے، اسلام آباد میں اب تک مجموعی طور پر کیسوں کی تعداد 14 ہزار چار سو 54 ہے۔ڈی ایچ او کے مطابق اسلام آباد میں ابتک مجموعی اموات کی تعداد 157ہے۔