سان فرانسسکو(نیوزڈیسک) یو ایس بی کیبل کو جب بھی یو ایس بی کنیکٹر میں لگایا جائے تو یوں لگتا ہے کہ ہمیشہ پہلی کوشش الٹی ثابت ہوتی ہے اورہمیں پھر سے دیکھ بھال کر اسے سیدھاکرکے لگانا پڑتا ہے۔ اگرچہ ایک آدھ کوشش کے بعد یو ایس بی کنیکٹر سیدھا لگ جاتا ہے لیکن کیا ہی اچھا ہو کہ ہماری پہلی کوشش ہر دفعہ کامیاب ہو اور یو ایس بی کے الٹا یا سیدھا ہونے کا مسئلہ ہی پیش نہ آئے۔
Yahoo Tech کے ماہر پال پوگ کا کہنا ہے کہ یو ایس بی کنیکٹرکو سیدھا لگانے کے لئے دو نشانیاں یاد رکھیں۔ پہلی نشانی تین شاخہ یو ایس بی کا نشان ہے جو کہ افقی کنیکٹر کے لئے اوپر کی طرف ہونا چاہییے جبکہ عمودی کنیکٹر کے لئے اسے دائیں طرف ہونا چاہیے۔ اس سے بھی زیادہ آسان اور کارگر نشانی یو ایس بی کیبل کنیکٹر کے دھاتی حصے پر جوڑ کا لکیر نما نشان ہے۔ افقی کنیکٹر کے لئے جوڑ کا نشان ہمیشہ نیچے کی طرف رکھیں جبکہ عمودی کنیکٹر کے لئے اسے ہمیشہ بائیں طرف رکھیں۔ اس سادہ اصول کو یاد رکھیے، آپ کی یو ایس بی ہمیشہ پہلی کوشش میں سیدھی لگے گی۔