پشاور(آن لائن) چینی بحران شہر میں پیدا ہونے کے باعث ایک ہفتے کے دوران قیمت میں 10روپے فی کلو کے اضافہ کے ساتھ 90روپے فی کلو تک پہنچ گئی ہے۔ آٹے کے بعد پشاور میں چینی بحران پیدا ہونے کے امکانات کے باعث تاجروں نے بڑی مقدار میں چینی سٹاک کرنا شروع کردیا ہے ۔ سپریم کورٹ کے احکامات کے باوجود پشاور میں چینی 70روپے فی کلو فروخت ہونا ناممکن ہو گیا ہے ضلعی انتظامیہ پشاور نے سپریم کورٹ کے فیصلے پر عمل درآمد کرنے سے معذرت کر
لی ہے شہر میں چینی کی قیمتوں میں مسلسل اضافہ ہو رہاہے تین دن کے دوران چینی سو روپے فی کلو تک پہنچ گئی ہے چینی کی بوری 3880روپے سے 4150روپے پر پہنچ گئی ہے چینی کی قیمت پر کنٹرول کرنے میں ضلعی انتظامیہ ناکام ہو گئی ہے تاجروں کے مطابق ہول سیل مارکیٹ میں چینی 84روپے جبکہ بعض مقامات پر ہول سیل مارکیٹ میں 90روپے میں فروخت ہو رہی ہے ۔ چینی کی قیمت میں دو دنوں کے دوران 20روپے فی کلو کا اضافہ پرچون مارکیٹ میں ہوا ہے ۔
