اسلام آباد (این این آئی)ٹھٹھہ واٹر سپلائی ریفرنس میں آصف زرداری کی پھر عدالت پیشی سے معذرت کرلی جس کے بعد احتساب عدالت نے ویڈیو لنک کے ذریعے آصف زرداری پر فرد جرم عائد کرنے کا فیصلہ کرتے ہوئے آصف زر داری سمیت چودہ ملزمان کو چار اگست کو طلب کرلیا۔ بدھ کو سابق صدر آصف علی زر داری نے کہاکہ کورونا اور بیماریوں کی وجہ سے عدالت پیش نہیں ہوسکتا جس کے بعد

احتساب عدالت کے جج اعظم خان نے ٹھٹھہ واٹر سپلائی ریفرنس پر حکم نامہ جاری کردیا۔ احتساب عدالت نے ویڈیو لنک کے ذریعے آصف زرداری پر فرد جرم عائد کرنے کا فیصلہ کرلیا۔احتساب عدالت نے نیب کو فردجرم کے لیے ویڈیو لنک انتظام کرنے کا حکم دیدیا ،آصف زرداری کے شریک ملزم اشفاق لغاری اشتہاری قرار، مقدمہ الگ کردیا گیا ،آصف علی زرداری سمیت 14 ملزمان 4 اگست کو طلب کرلئے ۔

موضوعات:آصف زرداری