گوجرانوالہ (این این آئی)گوجرانوالہ کے ضلعی ہیڈکوارٹر ہسپتال میں کورونا وائرس سے بچاؤ کے لیے ملنے والے حفاظتی سامان میں خرد برد کا انکشاف ہوا ہے۔محکمہ اینٹی کرپشن نے ڈی ایچ کیوہسپتال گوجرانوالہ کا ریکارڈ قبضے میں لے کر میڈیکل سپرٹنڈنٹ (ایم ایس) ڈاکٹر سہیل انجم بٹ کے خلاف تحقیقات شروع کر دی ہیں۔ہسپتال ذرائع کے مطابق کورونا وائرس سے بچاؤ کے لیے

اسپتال انتظامیہ کو ملنے والی حفاظتی کٹس اور این 95 ماسک ڈاکٹرز کو دینے کی بجائے عام مارکیٹ میں فروخت کیے گئے۔ اس حوالے سے رابطہ کرنے پر ایم ایس ڈی ایچ کیو ہسپتال نے بتایا کہ سامان کا ریکارڈ موجود ہے جو اینٹی کرپشن کو دے دیا گیا ہے۔دوسری جانب ریجنل ڈائریکٹر اینٹی کرپشن کا کہنا ہے کہ تحقیقات ابتدائی مراحل میں ہیں اس پر بات نہیں کرنا چاہتا۔