واشنگٹن (این این آئی) سائنسدانوں نے تپ دق کے علاج کیلئے 1924 میں بنائی گئی ویکسین ’بی سی جی‘ کو کووڈ19 کے علاج کیلئے بھی فائدہ مند قرار دیا ہے۔ میڈیا رپورٹ کے مطابق مختلف ملکوں میں کی گئی تحقیق میں یہ اتفاق کیا گیا ہے کہ اس ویکسین سے قوت مدافعت بڑھائی جاسکتی ہے جو کووڈ19 کے

مریضوں کیلئے بھی مددگار ثابت ہوسکتی ہے۔محققین کا کہنا ہے کہ بی سی جی ویکسین انتہائی ہائی رسک پر کام کرنیوالے افراد مثلاً ہیلتھ ورکرز اور پولیس افسران کو دینا زیادہ فائدہ مند ہوگی۔خیال رہے کہ دنیا بھر میں سائنسدان کورونا وائرس کی ویکسین بنانے کے لیے دن رات کوششیں کر رہے ہیں۔