اسلام آباد (مانیٹرنگ ڈیسک)پاکستان کے بڑے شہر کی 13بڑی مارکیٹوں میں کرونا وائرس کی سمارٹ سیمپلنگ مکمل ، خریداروں ، دوکانداروں کے تین ہزار 59ٹیسٹ کروائے گئے ، صرف 32مثبت کیسز سامنے آئے ۔ تفصیلات کے مطابق لاہور شہر کی 13بڑی مارکیٹوں میں کرونا ٹیسٹ کیسز کی رپورٹ آگئی ہے ، تیرہ بازاروں میں تاجروں اور خریداروں کے
سمارٹ سیمپلنگ ٹیسٹ کروانے کا فیصلہ کیا گیا تھا جس کے تحت 3ہزار59ٹیسٹ کروائے گئے ، 3ہزار 22 کیسز نیگٹو ، 32پازیٹو جبکہ پانچ کیسز کے نتائج تاخیر کا شکار ہیں ۔ ہال روڈ مارکیٹ میں 3سو دکانداروں اور خریداروں کے 266سیمپل نیگٹو ، 9پازیٹو جبکہ 5افراد کا ٹیسٹ رپورٹ تاخیر کا شکار ہے ۔ انارکلی بازار میں 300دکانداروں اور خریداروں کی سمارٹ سیمپلنگ کے رزلٹ میں کوئی پازیٹو نہیں آیا ۔ ٹائون شپ بزار میں 304دکانداروں اور خریداروں کے ٹیسٹ سیمپل میں 302نیگٹو جبکہ دو کے پازیٹوکیسز آئے ہیں ۔ گڑھی شاہنواز میں 302سمارٹ سیمپل میں صرف 4کیسز پازیٹو آئے ، شاہ عالم مارکیٹ میں 301ٹیسٹ میں صرف ایک کیس پازیٹو آیا ۔ نشتر بازار چونگی امرسدھو میں 378ٹیسٹ کیے گئے جن میں صرف ایک کیسز پازیٹو جبکہ باقی نیگٹو آئے ہیں ۔ باغبانپور بازار سے 282سیمپل لیے گئے تما سیمپل نیگٹو آئے ہیں ۔ اچھرہ بازار ، کریم بلاک اور مون مارکیٹ سے 880سیمپل لیے گئے ، تینوں مارکیٹوں میں ایک بھی پازیٹو نہیں آیا ۔ ڈپٹی کمشنر دانش افضال کا کہنا تھا کہ سمارٹ سیمپلنگ میں ہر مارکیٹ سے ڈیڑھ سو دکاندار اور ڈیڑھ خریداروں کی سیمپلنگ کی گئی ہے ۔ مریضوں کی تعداد میں کمی رونما ہوئی ہے ان کا مزید کہنا تھا کہ سمارٹ ٹیسٹ سیمپلنگ شہر کی تمام مارکیٹوں میں کی جائے گی ۔
