اسلام آباد (این این آئی) پاکستان پیپلز پارٹی نے عوام دشمن بجٹ کے خلاف احتجاجی تحریک کا فیصلہ کرلیا ۔ ایک بیان میں سیکرٹری جنرل پیپلز پارٹی نیئر حسین بخاری نے کہاکہ پیپلز پارٹی عوام دشمن بجٹ کے خلاف پارلیمنٹ کے اندر اور باہر احتجاج کریگی۔ انہوں نے کہاکہ مزدور تاجر کسان کاشتکار تنظیموں کے احتجاج میں پیپلز پارٹی بھرپور شرکت کرے گی۔ نیئر حسین بخاری نے کہاکہ پیپلز پارٹی کو
اشرافیہ نمائندہ حکومت کا عوام دشمن بجٹ نا منظور ہے، رہائش روزگار چھیننے والے لوگوں سے دو نوالے روٹی چھیننے کے درپے ہیں۔ انہوںنے کہاکہ اشیاء ضروریہ عوام دوائی مریض کی پہنچ سے پہلے ہی دور کر دی گئی ہے،سنگدل حکمران بے رحم حکمران عوامی معاملات ؤ مسائل سے مکمل لاتعلق ہو چکے ہیں۔نیر بخاری نے کہاکہ غریب عوام کو کوئی ریلیف نہیں دیاگیا بلکہ لوگوں کو کرونا کے حوالے کر دیا گیا ہے۔
