کراچی (مانیٹرنگ ڈیسک) پی آئی اے کا مسافر طیارہ جو ریاض سے ملتان آ رہا تھا فنی خرابی کے باعث کراچی میں ہنگامی لینڈنگ کی گئی۔ مسافر طیارے میں فنی خرابی پیدا ہونے کی وجہ سے اسے کراچی جناح انٹرنیشنل ائیرپورٹ پر اتار لیا گیا۔ سعودی عرب سے آنے والی یہ پرواز حادثے سے بال بال بچ گئی۔ طیارے کے پائلٹ نے فنی خرابی پیدا ہونے کے بعد کنٹرول ٹاور سے رابطہ کیا
اور طیارے کا رخ کراچی کی جانب موڑ دیا جس کے بعد طیارے کی ائیرپورٹ پر بحفاظت لینڈنگ ہو گئی۔ طیارے میں موجود مسافروں کو کسی قسم کا کوئی نقصان نہیں پہنچا ہے اور اللہ کے کرم سے سب محفوظ ہیں۔ نجی ٹی وی چینل کی رپورٹ کے مطابق کراچی میں ہنگامی لینڈنگ کے بعد مسافروں نے شدید احتجاج کیا اور دوسرے طیارے میں سوار ہونے سے بھی انکار کر دیا۔
