اسلام آباد(مانیٹرنگ ڈیسک)ہزارہ موٹروے پر پولیس اہلکار کےبدتمیزی کرنے والی خاتون کیخلاف مقدمہ درج کر لیا گیا ۔ تفصیلات کے مطابق مذکورہ واقعے کی فوٹیج سوشل میڈیا وائرل ہوئی تھی جس میں خاتون نے خود کو کرنل کی بیوی ظاہر کیا تھا اور اہلکاروں کو سنگین دھماکیں اور گالیاں بھی دیں تھیں ۔ ایف آئی ار کے مطابق مقدمہ اے ایس آئی اورنگزیب کی مدعیت میں درج کر لیا گیا ہے ،ایف آئی آر میں درج تفصیلات میں خود کو “کرنل کی بیوی” ظاہر کرنیوالی خاتون کو ” نامعلوم “قرار دیا گیا۔مقدمہ کے

اندراج کے بعدپولیس نے خاتون کی گرفتاری کیلئے چھاپے مارنے شروع کر دیئے ہیں ۔ قبل ازیں کرنل کی بیوی کو روکنے کا معاملہ ۔سوشل میڈیا صارفین نے پولیس اہلکار کی تعریفوں کے پل باندھ دیئے۔ایک صارف کی جانب سے کہا گیا کہ ہمیں فخر ہے ہمارے اس پولیس اہلکار پر جس نے ہمارے قانون کو کسی کے آگے جھکنے نہیں دیا۔ایک صارف کا کہنا تھا کہ ہمیں اس جیسے اہلکار کے حوصلے کی تعریف کرنی چاہئے جس نے اپنی ڈیوٹی کو ایمانداری سے سرانجام دیا اور اس خاتون کے آگے جھکا نہیں۔کچھ لوگوںنے مذکورہ کرنل پر بھی افسوس کا اظہار کرتے ہوئے طنز کیا کہ ہم سوچتے ہیں کہ کرنل کو روز اس خاتون کو دیکھ کر کیسا لگتا ہو گا جب وہ ہر صبح اس کا چہرہ دیکھتا ہے۔تا ہم کچھ لوگوں نے “کرنکی بیوی” کے نام سے سوشل میڈیا پر اکائونٹ بھی بنائے جس کے حوالے سے بھی مذاق اڑایا جا رہا تھا۔ایک صارف نے پولیس اہلکار اور اس کی فیملی کے لئے نیک خواہشات کا اظہار کرتے ہوئے کہا ہے کہ ’’اللہ آپ کو اور آپ کے اہل خانہ کو سلامت رکھے‘‘۔