راولپنڈی (این این آئی) پاک فوج کے سربراہ جنرل قمر جاوید باجوہ ایرانی افواج کے سربراہ جنرل باقری سے ٹیلی فون پر رابطہ میں پاک ایران بارڈر پر حالیہ واقعہ میں سیکیورٹی فورسز کے چھ اہلکاروں کی شہادت کے واقعہ پر تحفظات کا اظہار کیا ہے ۔ منگل کو آئی ایس پی ار کے مطابق پاک فوج کے سربراہ جنرل قمر جاوید باجہ نے ایرانی فوج کے سربراہ سے ٹیلی فون فونک رابطہ کیا جس میں دونوں فوجی سربراہوں کے درمیان سیکیورٹی اقدامات بڑھانے پر اتفاق کیا گیا۔ پاک فوج کے سپہ سالار جنرل قمر جاوید باجوہ نے اس موقع پر کہا کہ پاکستان نے پاک ایران بارڈر پر
فینسنگ کا کام شروع کر دیا ہے، اس مقصد کے حصول کے لئے مشترکہ تعاون کو فروغ دینا ہوگا۔آرمی چیف جنرل قمر جاوید باجوہ نے کہاکہ فینسنگ سے دہشت گردوں اور سمگلروں کی نقل و حرکت روکنے میں مدد ملے گی۔آرمی چیف نے واضح کیا کہ پاکستان عدم مداخلت کی پالیسی پر گامزن ہے، پاکستان برابری کی بنیاد پر خطے میں امن و استحکام کے قیام کا خواہاں ہے، آرمی چیف نے زور دیا کہ سرحد پر چوکیوں کو مزید فعال بنانا ہوگا، آئی ایس پی ار کے مطابق ٹیلی فونک رابطے کے دوران کرونا وائرس کی صورتحال پر بات چیت کی گئی۔
