لاہور (آن لائن) حال ہی میں دنیا کے مختلف ممالک میں پھنسے ہوئے پاکستانیوں کو واپس وطن لانے کے لئے جو خصوصی پروازیں چلائیں گئی تھیں ان کے ذریعے پاکستان پہنچنے والے تقریباً ساڑھے 3 ہزار پاکستانیوں کے کرونا ٹیسٹ کے بعد 241 پاکستانیوں میں کرونا وائرس کی تصدیق پائی گئی ہے۔ جنہیں طبی امداد کے لئے مختلف ہسپتالوں میں
داخل کروایا جاچکا ہے۔ بتایا گیا ہے کہ کرونا وائرس کے شکار ہونے والے ان پاکستانیوں میں حال ہی میں واہگہ کے راستے بھارت سے پاکستان آنے والے 234 پاکستانیوں میں سے 2 پاکستانی بھی شامل ہیں جب کہ اس کہ علاوہ کرونا وائرس کے تصدیق شدہ مریضوں کا تعلق قطر، سعودی عرب، اٹلی اور انگلینڈ سمیت دیگر ممالک سے ہے۔
