واشنگٹن( آن لائن) امریکہ کی فوڈ اینڈ ڈرگ ایڈمنسٹریشن نے عالمی وبا قرار دیے جانے والے کورونا وائرس سے متاثرہ مریضوں کے علاج کے لیے ریمڈیسیویئر کے استعمال کی منظوری دے دی ہے۔عالمی خبررساں ایجنسی کے مطابق امریکی نائب صدر مائیک پنس نے اعلان کیا ہے کہ پیر کے دن 15 لاکھ ریمڈیسیویئراسپتالوں میں تقسیم کردی جائیں گی۔ ریمڈیسیویئر کے استعمال سے کورونا

کے مریضوں کو صحتیاب ہونے میں ایک تہائی کم وقت لگے گا۔کمپنی ابتدائی طورپرایک اعشاریہ5 ملین خوراک کورونا سے متاثرہ مریضوں کے لیے مہیا کریگی۔واضح رہے کہ دو دن قبل امریکہ کے ممتاز ڈاکٹر اور الرجی سینٹر کے ڈائریکٹر ڈاکٹر فوسی کے حوالے سے یہ بات سامنے آئی تھی کہ ایبولا کے لیے تیار کی جانے والی دوا کورونا کے مریضوں کو استعمال کے لیے دینے کی اجازت دی جا سکتی ہے۔