سرگودہا(این این آئی)سرگودھا میں گندم کی غیر قانونی نقل وحمل کی کوشش ناکام بنا کر 2500 بوریاں قبضہ میں لے لی گئیں۔جس کے لئے تحصیل انتظامیہ اور محکمہ خوراک نے دو مختلف مقامات پر ایکشن کیا اور پچاس کلو گرام کی 25سو بوریاں گندم قبضہ میں لے کر خریداری مراکز پہنچا دی گئیں۔زرائع کے مطابق ضلعی انتظامیہ نے رات کی تاریکی میں گندم کی غیر قانونی نقل وحمل کی کوشش کو ناکام بنادیا۔تحصیل انتظامیہ او رمحکمہ خوراک نے دو مختلف کاررائیوں میں پچاس کلو

گرام کی 25سو بوریاں گندم کو قبضہ میںلے کر خریداری مراکز پہنچا دیا۔اس کارروائی میں اسسٹنٹ کمشنر سرگودہا نے محکمہ خوراک کے عملہ کے ساتھ 1500بوری گندم سے لدی گاڑیوں کی غیر قانونی نقل وحمل کو ناکام بناتے ہوئے گندم خریداری مرکز نمبر 2پر بھجوادی۔جبکہ اسسٹنٹ کمشنر سلانوالی او رمحکمہ خوراک نے شاہین آباد باونڈری پر ایک ہزار بوری سے لدی ٹرالیوں کی غیر قانونی نقل وحمل کو ناکام بناتے ہوئے گندم خریداری مرکز بھجوادی۔

موضوعات:گندم کی غیر قانونی نقل وحمل کی کوشش ناکام