لاہور(آن لائن) وزیر ریلوے شیخ رشید نے کہا ہے کہ آصف زرداری کے معاملات ٹھیک ہیں لیکن شہباز شریف کا کیس سنجیدہ ہے اور ان کا بچنا مشکل ہے ان کے راستے محدود نظر آ رہے ہیں۔ہفتہ کے روز وفاقی وزیر ریلوے شیخ رشید احمد نے لاہور میں اجلاس کے بعد میڈیا سے بات کرتے ہوئے کہا کہ

ٹرینیوں کے لیے احتیاطی تدابیر اختیار کر لی گئی تھیں اور لاک ڈاوَ ن کی وجہ سے ٹرینیں چلانے کا فیصلہ 10 مئی کو کیا جائے گا۔ چمن میں ٹرین پہنچ چکی ہے اور میرا انتظار کر رہی ہے۔ لاک ڈاوَن کھلا تو 24 گھنٹوں کے اندر ٹرینیں چلا دیں گے۔تھر مل گیٹ ہم نے تمام ریلوے اسٹیشنز پر لگا دیے تھے جو 50 فٹ کے فاصلے پر کام کریں گے۔ شہباز شریف سے متعلق بات کرتے ہوئے انہوں نے کہا کہ شہباز شریف جو سوچ کے آئے تھے اس کا سیاسی جنازہ نکل گیا اور اب شہباز شریف کا کیس سنجیدہ ہے، ان کا بچنا مشکل ہے، ان کا کہنا تھا کہ شہباز شریف اور بھتیجی کی آپس میں نہیں بن رہی کیونکہ شہباز شریف کی بھتیجی کہتی ہیں کہ پارٹی صدر شاہد خاقان عباسی کو بنا دیں،شیخ رشید نے کہا کہ آصف علی زرداری سمجھدارآدمی ہیں اور یقین جانیں آصف زرداری کے 40 فیصد معاملات ٹھیک ہو گئے ہیں اور وہ گھونسلے میں چلے گئے ہیں، وہ سمجھتا ہے کہ 2،3 ماہ سیاست کے لیے نہیں ہیں، آئی پی پیز اور دیگر رپورٹ منظر عام پر لانے کاکریڈٹ عمران خان کو دیں، 6 ہزار ارب کی کرپشن کے معاملے پر فقیر ہو یا پیر، وزیر ہو یا مشیر، جو بھی ہوگا سب رگڑے جائیں۔