نیو یارک(نیوزڈیسک) اکثرلوگ جلد بازی میں یا پھر جذبات میں ای میل کے ذریعے کسی کا پیغام کسی کو بھیج دیتے ہیں جس کے بعد عموما یہی سوچتے ہیں کہ کاش ایسا کوئی آپشن ہوتا جس کے ذریعے اس پیغام کو واپس لایا جاسکتا لیکن اب اس حوالے سے پریشان ہونے کا وقت ختم ہوگیا ہے کیونکہ جی میل نے ان سینڈ نامی بٹن کےنام سے ایسا فنکشن متعارف کرادیا ہے جو آپ کو ایک مخصوص وقت میں ای میل واپس لینے کی مہلت فراہم کرے گا۔
جب آپ ای میل لکھنے کے بعد سینڈ کا بٹن دبا کراس کے مطلوبہ شخص کی طرف روانہ کردیں گے تو آپ کی اسکرین کے بالکل اوپر ایک ان سینڈ بٹن جگمگاتا نظرآنا شروع ہوجائے گا جو آپ کو 10 سے 30 سیکنڈ کا وقت دے گا جس میں اس ای میل کو واپس لانے یا نہ لانے کا فیصلہ کریں گے لیکن یاد رہے کہ یہ انتہائی مختصر ٹائم ختم ہوتے ہی آپ کے پاس ای میل واپس لانے کا آپشن ختم ہوجائے گا۔
گوگل کا اس نئے فنکشن سے متعلق کہنا ہے کہ جی میل کے ان بکس میں انڈوبٹن کا اضافہ کردیا گیا ہے یہ بٹن جی میل صارفین کو سہولت فراہم کرے گا کہ وہ اپنے ادارے کے تبدیل ہونے پر اپنی بھیجی گئی ای میل کو منسوخ کردیں۔ یہ فیچر جنرل ٹیب پر بھی جی میل سیٹنگ سے استعمال میں لایا جاسکتا ہے۔