ممبئی (مانیٹرنگ ڈیسک)بالی وڈ کے لیجنڈ اداکار نصیر الدین شاہ نے کہا ہے کہ ایسا لگتا ہے جس دن اداکاری کرنے کے قابل نہ رہا تو خودکشی کر لوں گا ۔ بھارتی ویب سایٹ کے مطابق انٹرویو میں اداکاری سے جنون کی حد تک لگائو کے بارے میں انہوں نے بتایا کہ بطور اداکار ابھی کام ختم نہیں ہوا بلکہ روز صبح اس یقین کیساتھ جاگتا ہوں کہ اپنے پرستاروں کو اپنی اداکاری کے ذریعے کچھ نہ کچھ دوں گا ۔ 70سالہ اداکار کا کہنا تھا کہ ابھی میرے پاس بہت کچھ ہے
اپنے چاہنے والوں کو دینے کیلئے اور میں خوش قستم ہوں کہ لوگ مجھے اب بھی دیکھنا پسند کرتے ہیں ۔ یہ حقیقت ہے کہ مجھے میرے کام سے محبت ہے ، مجھے اداکاری سےمحبت ہے ، پرفارمنس دیتے وقت جو جوش میرے اندر ہوتا ہے میں اس کی وضاحت نہیں کر سکتا مجھے ایسا لگتا ہے کہ مجھے اداکاری کا جنون ہے ۔ بھارتی لیجنڈ اداکار نے کہا ہے کہ جس صبح جاگا اداکار ی کے قابل نہ رہا تو میں خود کشی کر لوں گا ، اداکاری کے بغیر زندگی میں رکھا ہی کیا ہے ۔
