اسلام آباد (این این آئی)وزیراعظم عمران خان نے کہا ہے کہ شہباز شریف اور آصف زر داری کو ساتھ لیا تو عطیات ہی کم نہ ہو جائیں۔ احساس ٹیلی تھون پروگرام کے تحت عوام سے براہ راست عطیات وصول کر نے کے دور ان ایک سینئر صحافی کی جانب سے سوال کیا گیا کہ آپ نے حریف میڈیا چینلز کو بلا لیا،
پوری دنیا آپ کے ساتھ کھڑی ہے تو آپ اپوزیشن کو بھی اپنے ساتھ ملا لیں، ہوسکتا ہے وہ آپ کو اربوں روپے دے دیں اور شہباز شریف اور آصف زرداری کو گلے لگا لیں؟ تو اس پر عمران خان نے جواب دیا کہ اس میں ایک خطرہ ہے کہ ان کو ساتھ لیا تو میری عطیات ہی کم نہ ہوجائیں۔
