کراچی (این این آئی) کورونا سے پیدا صورتحال میں سندھ حکومت نے اہم فیصلہ کیا ہے اور صوبائی محکمہ ایکسائز اینڈ ٹیکسیشن نے ٹیکسز میں ریلیف کا نوٹیفیکیشن جاری کیا ہے۔رواں مالی سال میں پراپرٹی ٹیکس میں 25 فیصد رعایت دے دی گئی ہے، محکمہ ایکسائز اینڈ ٹیکسیشن کی جانب سے جاری کردہ

نوٹیفیکیشن کے مطابق رواں مالی سال میں موٹر وہیکل ٹیکس میں بھی 25 فیصد رعایت ملے گی۔محکمہ ایکسائز پروفیشنل اور ٹریڈرز ٹیکس میں بھی 25 فیصد رعایت دے گا۔سندھ حکومت کے نوٹیفیکیشن میں مزید کہا گیا ہے کہ رعایتیں کورونا سے پیدا شدہ صورتحال پر عوام کو ریلیف پہنچانے کے لئے ہے۔

موضوعات:پراپرٹی اور موٹر وہیکل ٹیکس