لاس اینجلس (این این آئی)آسکر یافتہ اینی میٹر، اِلسٹریٹر، فلمساز اور بچوں کے پسندیدہ ترین کارٹون ٹام اینڈ جیری،پوپائے دی سیلر مین کے ہدایت کار جین ڈچ 95 سال کی عمر میں دنیا فانی سے کوچ کر گئے۔جین ڈچ کی موت کے حوالے سے سی زیچ کے پبلشر پیٹر ہیمیل نے بتایا کہ جمعرات کو اچانک ان کا انتقال ہو گیا ، زیچ نے دیگر تفصیلات اور موت کی وجہ کے حوالے سے کوئی بات نہیں کی۔1960 میں جین ڈچ کی فلم منرو کو
بہترین اینی میٹڈ فلم کیلئے آسکر ایواڈ سے نوازا گیا تھا ،1964میں ان کی دو فلموں کو آسکر ایوارڈز کے لیے نامزد کیا گیا تھا۔جین ڈچ نے بچوں کے پسندیدہ ترین کارٹون ٹام اینڈ جیری کے 13 قسطوں کی ہدایت کاری کی تھی ، انہوں نے مشہور کارٹون پوپائے دی سیلر مین کی بھی چند قسطوں کی ہدایت کاری کی تھی۔آسکر یافتہ اینی میٹرجین ڈچ کو 2004 میں ‘دی ونسر میک کے ایوارڈ’ سے بھی نوازا گیا تھا۔
