نیویارک (این این آئی)پاکستانی گلوکار سلمان احمد نے کہا ہے کہ کورونا وائرس سے صحت یاب ہونے پر اللہ کا شکر گزار ہوں،کورونا سمجھ میں نہ آنے والی وبا ہے، 3 دن بستر سے اٹھ نہیں سکا اور ایسا محسوس کیا جیسے آخری دن ہو،وائرس سے مقابلہ کرنے کے لیے 4 قل،آیت الکرسی اورقرآن پاک کی تلاوت سے سہارا لیا،خداراہ کورونا وائرس کو غیرسنجیدہ نہ لیں۔
اللہ نے پاکستان کوعمران خان کی حکمت عملی سے بچالیا ہے،ٹرمپ نے معاملے کو سنجیدہ نہیں لیا اور اب حالات کنٹرول سے باہر ہیں۔ ایک انٹرویو میں انہوں نے کہاکہ کورونا سمجھ میں نہ آنے والی وبا ہے، 3 دن بستر سے اٹھ نہیں سکا اور ایسا محسوس کیا جیسے آخری دن ہو۔سلمان احمد نے کہا کہ کورونا وائرس سے مقابلہ کرنے کے لیے 4 قل،آیت الکرسی اورقرآن پاک کی تلاوت سے سہارا لیا۔انہوں نے کہا کہ بیماری کے دوران بخار، سر میں درد اور چکر، جسم میں درد اور سانس لینے میں شدید تکلیف رہتی تھی۔سلمان احمد نے کہا کہ کورونا وائرس سے پھیپھڑوں پر اثرات مرتب ہوتے ہیں۔گلوکار سلمان احمد نے کہا کہ امریکہ میں ہسپتالوں میں وینٹی لیٹر ز کی کمی ہے، ریفریجریٹر کار میں لاشیں پڑی ہوئی ہیں۔انہوں نے کہا کہ 40ہزار لوگ امریکہ میں کورونا سے ہلاک ہوچکے ہیں۔انہوں نے بتایا کہ میری اہلیہ ڈاکٹر ثمینہ نے جنوبی کوریا سے ماسک منگوا کردیا۔سلمان احمد نے کہا کہ امریکہ میں پاکستانی ڈاکٹرز بہت خدمات سر انجام دے رہے ہیں۔انہوں نے کہاکہ میرا ٹیسٹ پاکستانی ڈاکٹر نے لیا اوراچھا نتیجہ ملا، میں نے خود کو آئسولیٹ کرلیا ہے۔گلوکار سلمان احمد نے کہا کہ کورونا وائرس خشک جگہ پر زیادہ پھیلتا ہے۔انہوں نے پاکستانی عوام کو پیغام دیتے ہوئے کہا کہ خداراہ کورونا وائرس کو غیرسنجیدہ نہ لیں۔انہوں نے کہاکہ ان کا کہنا تھا کہ اللہ نے پاکستان کوعمران خان کی حکمت عملی سے بچالیا ہے۔سلمان احمد نے کہا کہ امریکی صدر ٹرمپ نے معاملے کو سنجیدہ نہیں لیا اور اب حالات کنٹرول سے باہر ہیں۔
