اسلام آباد (مانیٹرنگ ڈیسک) کرونا وائرس کی وباء کی وجہ سے کئی لوگوں کے کاروبار ٹھپ ہو چکے ہیں، مزدور بے روزگار ہو چکے ہیں، کئی لوگوں کے گھر فاقے چل رہے ہیں، ایسے میں ہر کوئی دعویٰ کر رہا ہے کہ میں دل کھول کر لوگوں کی مدد کر رہا ہوں اس کے لئے فوٹو سیشن بھی ہوتے ہیں اور ویڈیوز بھی بنائی جاتی ہیں،
غرض اصل حقدار اپنے گھروں میں ہی موجود ہیں اور دکھاوا کرنے والے دکھاوا کرکے چلے جاتے ہیں، اسی طرح پیپلزپارٹی کے سینئر رہنما رئیس عبدالرحمان چاچڑ کی غریب پروری کی ویڈیو سامنے آئی ہے جس میں پیپلز پارٹی کے رہنما ہزار ہزار روپے دے رہے ہیں لیکن وہ اس طرح کے ہزار کا نوٹ سامنے رکھ کر ہاتھ اونچا کرکے تاکہ واضح طور پر ہزار کا نوٹ نظر آ سکے اور ویڈیو بنانے والے کو بھی کہہ رہے ہیں کہ ویڈیو ٹھیک آئے۔ مدد کرنے کا یہ انداز تو غریب کی غربت کا مذاق اڑانے کے مترادف ہے اس کی عزت نفس سے کھیلنا ہے۔ اس وقت بھی لوگوں کو اللہ پاک کا خوف نہیں آ رہا وہ بے دھڑک دکھاوا کر رہے ہیں، سوشل میڈیا پر پیپلز پارٹی کے سینئر رہنما عبدالرحمان چاچڑ کی ویڈیو وائرل ہے اور اس پر لوگ شدید تنقید بھی کر رہے ہیں، لوگوں کا کہنا ہے کہ اس سے بہتر ہے کہ وہ کسی کی مدد ہی نہ کریں۔ مدد کے لئے یہ ہے کہ جب آپ کسی غریب کی مدد کرتے ہیں تو دوسرے ہاتھ کو بھی پتہ نہ چلے لیکن یہاں تو غریب کا مذاق اڑایا جا رہا ہے۔
