کراچی (این این آئی)رواں مالی سال کے سات ماہ(جولائی تا جنوری)کے دوران بڑی صنعتوں کی پیداوار میں 3.37 فیصد کی کمی ہوئی۔ وفاقی ادارہ شماریات کے جاری کردہ اعدادوشمار کے مطابق جنوری 2019کے مقابلے میں جنوری 2020کے دوران ایل ایس ایم آئی کی پیداوار میں 5.96فیصد کمی ہوئی،

اسی طرح جنوری 2020 میں دسمبر 2019کی نسبت بڑی صنعتوں کی پیداوار میں 7.09 فیصد اضافہ ہوا ۔ اعدادوشمار کے مطابق جولائی تا جنوری آٹوموبیل سیکٹر کی پیداوار 36.7فیصد ،ادویات سازی کے شعبے کی پیداوار 5.77 فیصد ، آئرن اور اسٹیل سیکٹر کی پیداوار 9.25فیصد ، کوک اور پٹرولیم سیکٹر کی پیداوار 10.59 فیصد،کیمیکلز سیکٹر کی پیداوار3.20فیصد ، الیکٹرانکس کی پیداوار 8.50فیصد اور انجینئرنگ مصنوعات کی پیداوار 3.62 فیصد کم ہوئی ہے ۔7ماہ میں چمڑے کی مصنوعات کی پیداوار میں 11.15 فیصد ، فوڈ، مشروبات اور تمباکو مصنوعات کی پیداوار میں 1.93 فیصد ،لکڑی کی مصنوعات کی پیداوار میں 25.07فیصد ، فرٹیلائزر سیکٹر کی پیداوار میں 4.53فیصد جبکہ ٹیکسٹائل سیکٹر کی گروتھ میں 0.28فیصد اضافہ ریکارڈ کیا گیا ہے ۔