کابل(آن لائن) افغانستان کے صوبہ قندوز میں ایک اور سکیورٹی چوکی پر طالبان کے تازہ حملے میں چار پولیس اہلکار ہلاک ہو گئے ۔ غیر ملکی خبررساں ادارے کے مطابق صوبائی کونسل کے سربراہ محمد یوسف ایوبی نے بتایا کہ ضلع امام صاحب میں طالبان نے ایک اور سکیورٹی

چوکی پر حملہ کر ڈالا جس کے نتیجے میں چار پولیس اہلکار ہلاک جبکہ دو زخمی ہو گئے ۔ زخمی پولیس ا ہلکاروں کو فوری طور پر ہسپتال داخل کر دیا گیا ۔واضح رہے اس سے قبل بھی امام صاحب میں ہی طالبان نے ایک سکیورٹی چوکی پر حملہ کیا تھا جس میں20 سکیورٹی اہلکار مارے گئے ۔