اسلام آباد (مانیٹرنگ ڈیسک) گزشتہ روز ایک نجی ٹی وی چینل کے پروگرام میں سماجی کارکن ماروی سرمد اور خلیل الرحمان قمر کے درمیان تلخ کلامی ہوئی جو سوشل میڈیا پر ٹاپ ٹرینڈ بنا ہوا ہے۔ ڈاکٹر عامر لیاقت حسین نے سماجی رابطے کی ویب سائٹ ٹوئٹر پر اپنے بیان میں خلیل الرحمان قمر کو آڑے ہاتھوں لیتے ہوئے کہا کہ دو ٹکے کی عورت سے لیکر، اُلو کی پٹھی تک کا گھٹیا سفربہت جلد طے کر لیا۔ خلیل الرحمن قمر! ڈاکٹر عامر لیاقت نے اپنے ٹوئٹ میں مزید کہا کہ مقبولیت ہضم کرنا اعلیٰ ظرفوں کا شیوہ ہے، کم ظرف کا نہیں،
خالی برتن سوائے بجنے اور بجانے کے کسی کام نہیں آتا، پانی چڑھا کر ہانڈی پکاتے رہو، صرف اُبال آئے گا۔ غذا میسر نہیں ہوگی۔ ڈاکٹر عامر لیاقت حسین نے اپنے ایک اور ٹوئٹ میں کہا کہ آپ کو پسند نہیں، ٹھیک ہے، نظریے سے اختلاف ہے، مناسب! مگر یہ طرز تکلم تواس مخبر خاتون کے ساتھ مولا علی کا بھی نہیں تھا جس نے جنگ میں مخبری کا کام سر انجام دیا۔ ڈاکٹر عامر لیاقت حسین نے اپنے ٹوئٹ میں مزید کہا کہ خلیل الرحمن قمر! تم نے مَردوں کے سر شرم سے جھکا دیے اور تکبر سے معاشرے کو تقسیم کر دیا۔
دو ٹکے کی عورت سے لے کر
الو کی پٹھی تک کا گھٹیا سفر
بہت جلد طے کرلیا
خلیل الرحمن قمر!مقبولیت ہضم کرنا اعلی ظرفوں کا شیوہ ہے، کم ظرف کانہیں
خالی برتن سوائے بجنے اور بجانے کے کسی کام نہیں آتا
پانی چڑھا کر ہانڈی پکاتے رہو
صرف اُبال آئے گا
غذامیسر نہیں ہوگی!#khalilurrehmanqamar— Aamir Liaquat Husain (@AamirLiaquat) March 4, 2020
