واشنگٹن(این این آئی )امریکی شہر نیش ول میں طوفانی بگولے نے تباہی مچادی جس کے نتیجے میں  24افراد زخمی ہو گئے۔متاثرہ علاقے میں امدادی سرگرمیاں جاری ہیں جبکہ عمارتوں میں پھنسے زخمی افراد کی تلاش کا کام بھی جاری  ہے۔میڈیارپورٹس کے مطابق طوفانی ہواوں کے نتیجے میں 24 ہلاکتوں سمیت متعدد افراد زخمی ہوئے جبکہ 45 عمارتیں شدید متاثر ہوئی ہیں اور متعدد گھر تباہ ہوگئے ۔ہوا کے بگولے کے باعث

بجلی کا نظام درہم برہم ہوگیا ہے اور نیش ول کے ہزاروں افراد بجلی سے محروم ہوگئے ۔خراب موسم کے باعث شہر میں اسکول بند کر دیے گئے جب کہ طوفانی ہواوں نے مقامی ائیرپورٹ کے ہینگرز کو بھی شدید نقصان پہنچایا ۔حکام کی جانب سے نیش ول میں ایمرجنسی نافذ کردی گئی ہے جبکہ متاثرہ افراد کو محفوظ مقام پر منتقل کیا گیا ہے۔متاثرہ علاقے میں امدادی سرگرمیاں جاری ہیں جبکہ عمارتوں میں پھنسے زخمی  افراد کی تلاش کا کام بھی جاری  ہے۔‎