کراچی (این این آئی) معروف روحانی شخصیت حکیم پروفیسر محمد مقصود الہی نقشبندی نے کورونا وائرس کا مکمل علاج دریافت کرنے کا دعوی کرتے ہوئے کہا ہے کہ میرے بتائے ہوئے علاج سے اس وائرس مبتلا افراد مکمل صحت یاب ہوجائیں گے۔
مرض کی مکمل تحقیق کے بعد اس کا علاج بتا رہا ہوں۔کورونا سمیت تمام موذی امراض کا علاج میرے پاس موجود ہے۔ان خیالات کا اظہار انہوں نے پیر کو کراچی پریس کلب میں پریس کانفرنس کرتے ہوئے کیا۔انہوں نے کہا کہ ہمارے نبی حضرت محمدؐ کا فرمان ہے کہ اللہ تعالیٰ نے ہر مرض کے لئے شفا پیدا کی ہے۔کورونا کے کے علاج کے لیے چرائتہ 7گرام نیم کے پتے 7گرام تلسی کے پتے 7گرام کو 2گرام 2 گلاس پانی میں تب تک پکائیں جب تک وہ آدھا کپ نہ رہ جائے اس کو چھان کر اس میں شہد ملائیں۔صبح و شام اس کے استعمال سے مریض ہفتہ میں ٹھیک ہوجائیگا۔جو شخص وائرس سے متاثر نہیں ہے وہ بھی اس کا استعمال کرسکتا ہے۔اس سے جسم میں طاقت پیدا ہوتی ہے۔اس علاج سے کوئی بھی وائرس حملہ آور نہیں ہوگا۔اس کے علاوہ آملہ، بہیڑا، ہرڑزرد، ہم وزن گھٹلی نکال کر پیس لیں اور صبح شام ایک چمچ پھانک لیں۔انہوں نے کہا کہ Rabis nigrum Q کے نو قطروں کے استعمال سے شفا کا عمل مزید تیز ہوگا۔انہوں نے کہا کہ میں تمام عالم اسلام کو علاج کی دعوت دیتا ہوں۔ایک سوال کے جواب میں انہوں نے کہا کہ علاج میں شامل اشیاء بآسانی دستیاب ہیں۔اس مرض کی مکمل تحقیق کے بعد علاج بتا رہا ہوں۔کورونا سمیت تمام موذی وائرس کا علاج میرے پاس موجود ہے۔
