ننکانہ صاحب(این این آئی)سانگلہ ہل میں سنگ دل بھائیوں نے باپ مرنے کے بعد بیوہ بہن کو گھر سے نکال دیا ،باپ نے اپنی بیوہ بیٹی کے نام رہائشی مکان منتقل کیا تھا، متاثرہ خاتون کی وزیر اعلیٰ پنجاب سے انصاف کی اپیل ۔چک117چہور کوٹلی کے رہائشی بیوہ خاتون نصرت منظور نے احتجاج کرتے ہوئے میڈیا کو بتایا کہ 10سال قبل میرے باپ بشیر احمد نے رہائشی مکان میرے نام منتقل کر دیااور میرے
نام اشٹام پر وصیت نامہ جاری کیا مگر باپ کے انتقل کے بعد میرے لالچی بھائیوں نے مجھے اور میرے بچوں کوبے دردی کے ساتھ گھر سے نکال دیا اور باپ کی طرف سے دیے جانے والے مکان پر قبضہ جما لیا میںبیوہ بے سہارا خاتون اپنے بچوں کو لے کر کرائے کے مکان میں ذلیل و خوار ہو رہی ہوں نصرت بی بی نے بتایا کہ میں نے انصاف کیلئے تھانہ صدر درخواست بھی دی تھی جس پر میرے بھائی میری جان کے دشمن بن گئے دھمکیاں دیں کہ اگر زندگی چاہتی ہو تو اپنا منہ بند رکھو خاتون نے بتا یا کہ آج تک مجھے انصاف نہیں مل سکا میں وزیر اعلیٰ پنجاب سے اپیل کرتی ہوں کہ باپ کی طرف سے دئیے جانے والا مکان مجھے واپس دلایا جائے۔
