اسلام آباد(مانیٹرنگ ڈیسک)امریکا کی صدر ڈونلڈ ٹرمپ اس وقت بھارت کے دو روزہ دورے پر ہیں ۔ تفصیلات کے مطابق گزشتہ روز امریکی صدر ٹرمپ نے احمد آباد اسٹیڈیم میں خطاب کرتے ہوئےپاکستان کی کاوشوں کی کھل کر تعریفیں کیں۔ تفصیلات کے مطابق امریکی صدر کےبیان کو پاکستان سمیت دنیا بھر میں سراہا گیا جبکہ مودی سرکار کے چہرے پھیکے پڑ گئے ، بھارتی سرزمین پر کھڑے ہو کر

جب ٹرمپ نے پاکستان کے گن گائے تو بھارت صف ماتم کرنے لگا ۔امریکی صدر کا کہنا تھا کہ پاکستان کے ساتھ مل کر دہشتگردوں کے خلاف کارروائی کر رہے ہیں۔ پاکستان کے ساتھ اچھے تعلقات ہیں۔ ہم پر امید ہیں کہ مستقبل میں تمام جنوبی ایشیا میں بھارت مسائل حل کرنے اور امن پیدا کرنے میں قیادت کرے گا۔ امریکی صدر نے کہا کہ پاکستان نے دہشت گردی کے خاتمے کے لیے کوششیں کی۔ دہشت گردی کے خلاف پاکستان کے اقدمات قابل تعریف ہیں۔امریکی صدر ڈونلڈ ٹرمپ کے دورہ بھارت کے دوران کوئی تجارتی معاہدہ نہ ہو سکا اور نہ ہی مودی پاکستان کے خلاف کچھ کہلوانے میں کامیاب ہو سکے۔بیان پر بھارتی تجزیہ کاروں سے پاکستان کی تعریف برداشت نہ ہوئی ، ان کا کہنا تھا کہ دیس ہمارا اور جگہ بھی ہماری ، امریکی صدر آئے ہمارے سٹیج پر پاکستان کی تعریفوں کے پل باندھے اور چل دیئے ۔ یہ کوئی موقع نہیں تھا،یہ پاکستان کوعزت دینے والا بیان تھا۔بھارت کی پاکستان کو تنہا کرنے کی پالیسی ہمیشہ سے ناکام ہوتی رہی ہے اور ڈونلڈ ٹرمپ کا بیان ان کیلئے آخری کیل ثابت ہو گا ۔ بھارتی تجزیہ کاروں کا مزید کہنا تھا کہ امریکی صدر ایسے موقعے پر چپ رہ سکتے تھے لیکن انہوں پاکستان کی تعریف کرنا کیوں ضروری سمجھا ۔