لاہور (این این آئی) مسلم لیگ(ن)نے وزیراعلیٰ پنجاب سردار عثمان بزدار کے تلاش گمشدہ کا اشتہار جاری کرنے کا اعلان کردیا ۔ مسلم لیگ (ن) پنجاب کی سیکرٹری اطلاعات عظمی بخاری نے کہا ہے کہ عثمان بزدار سترہ ماہ میں چھ دفعہ صرف اسمبلی آئے،عثمان بزدار اس سمبلی کا راستہ بول گئے جس اسمبلی نے عثمان بزدار کو وزیراعلی منتخب کیا ۔
وزیراعلی پنجاب نہ اسمبلی آتے ہیں نہ عوام کا سامنا کرنے کی ہمت کرتے ہیں،بزدارصاحب جادو ٹونے پر چلنے کی بجائے اپنے اختیارات استعمال کریں،بزدار صاحب کو آپ شاپنگ کرنے کیلئے نہیں عوام کے مسائل حل کرنے کیلئے وزیراعلی بنایا ہے۔ا نہوں نے کہاکہ سترہ ماہ میں عثمان بزدار نے شاپنگ کرنے کیلئے علاوہ کچھ نہیں سیکھا،گیارہ کروڑ عوام کا صوبہ ریموٹ کنٹرول سے چلنے والے شخص کے حوالے کردیا گیا ہے۔اوپر بڑا بزدار بیٹھا ہے نیچے چھوٹا بزدار بیٹھا ہے۔وفاق اور پنجاب میں دونوں بزدار کی کارکردگی ایک جیسی ہے،دو نکمے اور بے کار عمران خان اور عثمان بزدار بزدار صاحب شہبازشریف کے منصوبوں کے بار بار افتتاح کرنے کی بجائے اپنا منصوبہ شروع کریں۔انہوں نے کہاکہ عمران خان کو مظفر گڑھ میں طیب ادوان ہسپتال کا دوبارہ افتتاح کرتے شرم آنی چاہیے۔عمران خان جب اپوزیشن میں تھے تو کہتے شہبازشریف ہسپتال نہیں بنا رہے،عمران خان اب کس منہ سے شہبازشریف کے شروع کردہ ہسپتال کا دوبارہ افتتاح کررہے ہیں؟،خدا تعالی ہر کسی کو خدمت خلق کیلیے نہیں چنتے،کچھ کے مقدر میں صرف رسوائی ہوتی ہے۔
