کراچی (مانیٹرنگ ڈیسک) جب اللہ پاک دینے پر آئیں تو بے شمار دیتے ہیں، ایسا ہی کچھ کراچی کے ایک سیلز مین کے ساتھ ہوا، کراچی سے تعلق رکھنے والا دبئی میں کروڑوں کا مالک بن گیا، یہ پاکستانی وہاں سیلز مین کی نوکری کر رہا تھا کہ
انعام جیتنے پر کروڑوں کا مالک بن گیا۔ انجم اشرف نامی پاکستانی دبئی میں ایک انٹرنیشنل آٹو برینڈ ”بینٹلی“ کے ڈیوٹی فری لکی ڈرا کا حصہ بنا اور دس لاکھ امریکی ڈالر مالیت کی بینٹلے کار جیت لی۔ میڈیا ذرائع کے مطابق کمپنی نے 5000 لکی ڈرا کے ٹکٹس دبئی میں مقیم بین الاقوامی شہریوں میں بانٹے اور انہیں لاکھوں ڈالر مالیت کی گاڑی جیتنے کا سنہری موقع فراہم کیا، ہزاروں افراد نے اس کے آن لائن ٹکٹ خریدے۔ چار خوش نصیبوں کے نام نکلے ان خوش نصیبوں میں پاکستانی سیلز مین انجم اشرف کا نام بھی نکل آیا۔ انجم اشرف کو فون کرکے اطلاع دی گئی کہ آپ بینٹلی بینٹیگا وی 8 کے مالک بن چکے ہیں پہلے تو انہیں یقین ہی نہ آیا۔ اس بارے میں انہوں نے کہاکہ میں دبئی میں سیلز مین کی نوکری کرکے 7000 درہم ماہانہ کماتا ہوں، میرے وہم و گمان میں نہیں تھا کہ میں 15 لاکھ درہم مالیت کی گاڑی کا مالک بن جاؤں گا۔ انجم اشرف نے اس پر اللہ تعالیٰ کا شکر ادا کیا کہ یہ اللہ پاک کی مہربانی ہے۔
