پیرس (این این آئی) فرانسیسی صدر ایمانوئل میکرون نے اعلان کیا ہے کہ فرانس اسلام علیحدگی پسندی کو ختم کریگا اور ایک ایسے نظام کا خاتمہ کریگا جس میں غیر ملکی ممالک فرانسیسی مساجد میں اماموں کو تبلیغ کیلئے بھیجیں۔ایمانوئل میکرون کے مطابق اس کا مقصد ’غیر ملکی اثر و رسوخ کو کم کرنا‘ اور اس بات کو یقینی بنانا ہے کہ جمہوریت قوانین کا ہر کوئی احترام کرے۔فرانسیسی صدر

نے مشرقی فرانس کے مل ہاؤس میں ’علیحدگی پسندی‘ کے خلاف خطاب کے دوران یہ بات کہی۔میکرون نے کہا کہ مراکش اور ترکی ہر سال فرانس میں 300 امام بھیجتے ہیں، انہوں نے کہا کہ 2020ء میں فرانس کی مسجدوں میں امامت کے سلسلے میں آنے والے امام آخری ہوں گے۔میکرون نے کہا کہ تمام ممالک اس سے متعلق فرانس کے ساتھ متفق ہیں لیکن ترکی نہیں۔