اسلام آباد (مانیٹرنگ ڈیسک) کاروباری تنازعہ 80افراد کی جان لے گیا ، پولیس خاموش تماشائی ۔ تفصیلات کے مطابق کشمور میں دیرینہ دشمنی کا آغاز 26سال قبل کاروباری تنازعے کی وجہ سے شروع ہو ا جو اب تک 80افراد کی جان لے چکا ہے ۔ مقامی افراد نے بتایا ہے کہ 26سال قبل شروع ہونے والی خون کی ہولی پر پولیس خاموش تماشائی کا کردار ادا کرتی چلی آرہی ہے ۔ان کا کہنا تھا کہ یہ لوگ صرف الیکشن میں کام آتے ہیں

اس لیے ان لوگوں کا پولیس پر دبدبہ قائم ہے اور کوئی کاروائی کرنے سے بھی قاصر ہے ۔ 26سالوں پر محیط اس دشمنی نے اب تک 80افراد کی جانیں لیں ہیں قتل ہونے والے کسی ایک شخص کا آج تک نہ تو مقدمہ درج ہوا اور نہ ہی کوئی سنگل ایف آر کٹی ہے ۔ بتایا گیا کہ دونوں گروپوں میں متعدد بار صلح کروائی گئی لیکن کوئی نتیجہ نہ نکل سکا۔ ان تمام افراد کو وڈیروں کی پشت پناہپی حاصل ہے اس لیے پولیس بھی کاروائی کرنے سےکترا رہی ہے۔