اسلام آباد (مانیٹرنگ ڈیسک)ایف آئی اے کیلئے 1257 نئی اسامیوں پر بھرتی کی اجازت،ایف آئی اے سربراہ واجد ضیا کو گرین سگنل دیدیا گیا۔نجی ٹی وی دنیا نیوز کے مطابق ایف آئی اے نے گزشتہ ماہ 22 جنوری کو بھرتیوں پر پابندی کے حکم نامہ میں نرمی کیلئے خط لکھا تھا۔ ایک ایڈیشنل ڈائریکٹر جنرل اور 7 ڈائریکٹرز کی اسامیوں پر بھی بھرتی ہوگی۔اس کے علاوہ جن اسامیوں پر بھرتیوں کی اجازت دی گئی ہے۔

ان میں 97 انسپکٹر، 121 سب انسپکٹر، 252 اے ایس آئی، 159 ہیڈ کانسٹیبل اور 373 کانسٹیبل شامل ہیں۔وزارت خزانہ نے بھرتیوں کی اجازت دینے کا نوٹیفکیشن جاری کر دیا۔ بھرتیوں کا تمام عمل بجٹ سے قبل مکمل کیا جائے گا، آئندہ مالی سال کے بجٹ میں ان اسامیوں کیلئے فنڈز فراہم کیے جائیں گے۔یاد رہے کہ سابق حکومت نے 2013 میں ایف آئی اے میں بھرتیوں پر پابندی عائد کر دی تھی۔

موضوعات:ایف آئی اے