اسلام آباد( آن لائن )سپریم کورٹ اور وزیراعظم ڈیم فنڈ میں 11 ارب 77 کروڑ سے زائد رقم جمع ہوگئی۔ تفصیلات کے مطابق ڈیم فنڈز میں جمع رقم سے متعلق اہم دستاویزات سامنے آئے ہیں جس کے مطابق ڈیم فنڈ میں 11 ارب 77 کروڑ روپے جمع ہوئے ۔جس مین سے اوور سیز پاکستانیوں نے ایک ارب73 کروڑ روپے ڈیم فنڈ میں بھیجے ۔پاکستانیوں نے 10 ارب 4 کروڑ روپے سے زائد رقم عطیہ کی۔

جبکہ موبائل فون پر میسج کے ذریعے دیئے گئے عطیہ کی رقم 15 کروڑ 45 لاکھ ہے جو کہ موبائل کمپنیوں کے ذریعے سے حاصل کی گئی۔اووسیز پاکستانیوں کی بات کی جائے تو انہوں نے بھی دل کھول کر پاکستان کے لئے ایک ارب 73 کروڑ روپے کا فنڈ جمع کرایا ۔ جس میں سے برطانیہ میں مقیم اووسیز کا حصہ 45لاکھ جبکہ امریکی میں مقیم افراد نے 59 کروڑ روپے عطیات دیئے۔دوسری جانب سعودی عرب میں روزگار کے سلسلہ میں موجود افراد نے ایک کروڑ روپے جمع کرائے گئے۔آسٹریلیاسے ایک اور جنوبی افریقی میں 2 کروڑ روپے جمع کرائے گئے۔ذرائع وزیر خزانہ کا کہنا ہے کہ ڈیم فنڈ ابھی بھی سپریم کورٹ کے پاس ہے ۔ ڈیم کی رقم کو کہیں خرچ نہیں کیا جا رہا ) تاہم اس کی فنانس مینیجمنٹ ضرور کی جا رہی ہے۔ ڈیم فنڈز میں ابھی بھی لوگ پیسے جمع کرا رہے ہیں ۔ واضح سابق چیف جسٹس ثاقب نثار نے ڈیم بنانے کے لئے مہم چلانے کا اعلان کیا تھا جس کے بعد لوگوں سے اپیل کی گئی کہ ملک کی خاطر ڈیم فنڈ میں بھر چڑھ کر حصہ لیا گیا ۔اور اربوں روپے جمع کرا دیئے گئے۔ تام ڈیم کے قیام کے لئے ابھی تک کوئی اقدام نہ کیا گیا۔ اس سے قبل سپریم کورٹ نی دیامربھاشا ڈیم فنڈ کیس میں عدالتی احکامات پر عملدرآمد سے متعلق رپورٹ طلب کر تے ہوئے کیس کی مزید سماعت ملتوی کردی ہے اورگورنر سٹیٹ بینک کو ڈیم فنڈ نہ ملنے کی شکایات کانوٹس لینے کی ہدایت کرتے ہوئے کہا ہے کہ عدالت کوڈیم فنڈز جمع نہ ہونے کے بارے میں متعدد شکایات ملی ہیں، نجی بنک فنڈ وصول نہیں کررہے۔

موضوعات:ڈیم فنڈ