لاہور(این این آئی) پاکستان مسلم لیگ (ن) کے مرکزی رہنما سینیٹر آصف کرمانی نے کہا ہے کہ حکومتی وزرا ء کے بیانات کہ انکی حکومت گزشتہ 72 سالوں کا گند صاف کر رہی ہے قابل مذمت ہے،قائد اعظم، لیاقت علی خان، سہروردی، عبدالرب نشتر اور تحریک پاکستان کے دیگر رہنماؤں کی زندگیاں اور پاکستان کے لئے خدمات ہمار ے لئے مشعل راہ ہیں۔

اپنے بیان میں انہوں نے کہا کہ پاکستان کو اسکی اصل شکل میں واپس لانے کے لئے گزشتہ 16 ماہ کا گند صاف کرنا ہو گا۔جان لیوا مہنگائی، گرتی معیشت اور ٹرانسپیرنسی انٹرنیشنل کی رپورٹ اس حکومت کے خلاف کھلی چارج شیٹ ہے۔مہنگائی نے مڈل کلاس اور غریب آدمی کی کمر توڑ دی ہے،اب تبدیلی کی تبدیلی کا وقت آن پہنچا ہے۔

موضوعات:سینیٹر آصف کرمانی